Ikaskuntza aktiborako lekua da, non ikasteko modu  askotarikoak esperimentatu ahal izango diren. Bertan elkarrizketaren, lankidetzaren eta kooperazioaren bidez ikasten da, berdintasunezko testuinguru batean.
Gela honetan, teknologia balio erantsia ematen duen baliabide bat da, gaitasun digitalaren garapena bermatuz.

Irakurketa, ikasketa eta ikerketa sustatzeko diseinatutako espazioa da. Giro lasai eta argiduna dauka, ikasleek liburu, aldizkari eta baliabide digitalen aukera zabalaz gozatzeko.

Ikasleen sormena askatzeko gune aproposa. Bertan irratia dago, baita bideoak grabatzeko kamera eta argiztapen berezia ere.

Ikasteko leku malgua, askotariko jarduera akademiko, kultural eta sozialetara egokitzeko diseinatua. Yoga, pilates, dantza, antzerkia, hitzaldiak eta abar antolatzen dira bertan.
 

Ingeniaritzarekin, robotikarekin, diseinuarekin eta fabrikazioarekin lotutako gaitasunak garatzeko erabat hornitutako espazioa da. Lan-mahai zabalak, tresna espezializatuak eta 3D inprimagailua ditu.

Zientzia-laborategiak inguratzen gaituen mundua behatu, ikertu eta deskubritzeko aukera ematen du esperimentazioaren bidez. Material eta tresna ugariei esker praktikak eta esperimentuak egin daitezke biologian, fisikan eta kimikan.

Sormenak eta musikarako grinak bat egiten duten lekua. Askotariko musika-tresnez hornituta dago, musika-estilo ezberdinak aztertzeko, instrumentuak jotzen ikasteko eta musika egin eta ekoizteko gaitasunak garatzeko aukera eskaintzen du gela honek.
 

Sormenari eta adierazpen artistikoari eskainitako gelak dira. Honi esker ikasleek beren ideiak esploratzeko eta adierazteko aukera dute, hainbat ikus-diziplinen bidez.
 

Gastronomia, nutrizioa eta talde-lana bezalako arloetan ikaskuntza praktikora zuzendutako espazioa da. Diseinu moderno eta funtzionala dauka eta beharrezko tresna eta etxetresna guztiak dauzka.

Jarduera fisikorako eta kirolerako gunea da, osasuna eta talde-lana sustatzeko diseinatua. Areto-futbola, eskubaloia, saskibaloia, hockeya, badmintona eta abar praktikatzeko behar den material guztiak daude bertan, baita bizkar-babesak ere.